KOFFI OLOMIDE MOST WANTED ZAMBIA

Staa wa muziki Africa ambae siku kadhaa zilizopita aliwahudumia mashabiki wake kwa kuwapa muziki juu ya stage tatu tofauti Tanzania Koffi Olomide anatafutwa na polisi wa Zambia.

Polisi Zambia wametangaza kumsaka Koffi Olomide popote alipo nchini humo baada ya kuwatukana walipojaribu kuingilia ugomvi wake na mmoja wa waandishi wa habari.

Inadaiwa Koffi alizinguana na mwandishi huyo wa habari wakati akifanya moja kati ya showz alizopangiwa nchini Zambia, hii sio mara ya kwanza kuingia kwenye matatizo na polisi Zambia, miaka miwili iliyopita  aliwaponyoka polisi kwa kutumia pikipiki baada ya mzozo na promota wa show yake, kwa sasa polisi wanasema kuna ushahidi wa kutosha kabisa wa kumkamata Koffi ambapo mkuu wa Polisi kwenye mji wa Lusaka wamesema watafanya kila kinachowezekana kumkamata Koffi ili akajibu hayo mashtaka.

Promoters wake nchini Zambia wanasema Koffi ameshaondoka Zambia tayari lakini polisi wanasema hawana uhakika kama kweli kaondoka.

Kwenye line nyingine baadhi ya vyombo vya habari nchini Zambia vilitangaza taarifa za Koffi kuonekana kumpiga vibao mmoja wa wacheza show wake wa kike wakiwa backstage.

Nyumbani kwao Congo Koffi Olomide mwenye umri wa miaka 58 alipelekwa mahakamani mwaka jana kwa kosa la kumpiga na kumuumiza producer wake Diego Music Lubaki na kuharibu vitu mbalimbali kwenye hoteli ugomvi ulipotokea mwezi August mwaka jana.